Heke perê me yê danûstandinê tunebe em ê pere deyn bikin û pêwistî an jî îhtiyacên xwe pêk bînin. Faîz bedêla wî pereyê ye yanî kirêkirina pere ye. Dema ku pereyek tê deynkirin di pêşî de xeynê pereyê xwerû wê çiqas ji alî din were standin tê diyarkirin. Yanî ku me 100 tl e bi sedî 10 faîzê ji bo meh an jî saleke deyn dabe em ê di dawiya we deme de 110 TL pere bigirin. Ji ber ku razemenî û xerckirin bi deyn û krediyan tên kirin faîz di ekonomiya makro de hêmanekî pir girîng e. Ji ber wî jî di navbera faîz, razemenî, xerckirin û enflosyonê de têkileyek xurt heye. Enflasyon û Faîz Rêjeya faîzê bandor li ser tasarûfên kes û saziyan jî dikin. Mînak dema ku rêjeya faîzê kêm be xerckirin jî zêdetir çêdibe. Faîz bi hêviya zêdekirina mezaxtinê tê kêmkirin. Lê zêdebûna mezaxtinê dibe ku bi xwe re enflasyonê jî bîne. Li dewleta hûn dijîn de enflasyona salane ji sedî 15 be dema ku hûn pereyê xwe bikin banqayê hûnê li hêviyên bin ku dema kişandina mewdûtên xwe yên di banqayê de banqa pereyê we li gor bûhayên îro bide.