Weşanên Zanîngeha Cambridgeyê girêdayî xebatên xwe yên lêkolînî yên der barê Rojhilata Navîn de berhemeke nû çap kir. Ev berhem wekî çavkaniyeke sereke li ser dîroka kurdan hatiye amadekirin. Berhema ku ji aliyê pisporên qada xwe ve hatiye amadekirin, dîroka kurdan ji aliyê civakî, polîtîk û aborî û gelek biwarên dîtir ve, ji sedsala 15’an heta destpêka sedsala 21’ê kiriye dabaşa lêkolînê. Her wiha di berhemê de li ser babetên girîng ên der barê kurdan, Kurdistan û heta zimanê kurdî de jî nivîsên berfireh cih digirin.
Berhem ji bo kurdan û ji bo lêkolînên Rojhilata Navîn wekî pêdiviyeke bivê nevê hatiye ristin û li ser vê yekê berhem dê li ser gelek babetan bergeheke nû pêşkêşî xwendevanên xwe bike. Berhem bi edîtoriya Hamît Bozarslan, Cengîz Guneş û Velî Yadirgi ve hatiye amadekirin û di bin banê hin sernavan de gelek gotar hatine pêşkêşkirin.
Akademîsyenên kurd û biyanî yên wekî M. Malmîsanij, Kemal Suleymanî, Haşîm Ahmedzade, Adnan Çelîk, Engîn Sustam, Mesut Yegen, Xana Omarxalî, Farangîs Qadirî, Massoud Sharifi Dryaz, Michiel Leezenberg, Jordi Tejel, Philip G. Kreyenbroek, Isabel Käser hwd. bi gotar û lêkolînên xwe xebatê berfirehtir kirine.
Mijarên sereke yên ku di berhemê de cih girtine ev in:
Berzbûn û berzebûna mîrektiyên kurdan (di navbera sedsala 15-19’an de),
Mîrektiyên di navbeyna Osmanî û Îraniyan de mane (sedsala 16-19’an)
Dawîlêhatina Xweseriyê: Rûxandina mîrektiyên kurdan di nav împaratoriya Osmanî de
Bizava kurdan û bidawîbûna împeratoriya Osmanî,
Di dawiya sedsala 19’an û destpêka sedsala 20’î de vegêranên dînî yên gelê kurd
Aboriya polîtîk a Kurdistanê: Ji pêşketinê heta pêşketinê
Di neqeba şeran de kurd û neteweperweriya kurdan
Ji serokeşîran heta aktîvîstên marksîst: Kurdistan ji 1946’an heta 1975’an
Di salên 1970’yî de li Rojhilata Navîn siyaseta kurdî
Heyamên tarî: Kurdistan di nav gêr û kêşeya Rojhilata Navîn de
Di sedsala nû de kurd: Bendewarî û dijwarî
Li Tirkiyeyê neteweperweriya kurdî: 1898-2018
Çima li Tirkiyeyê xweserî ji bo kurdan pêk nehat
Herêma Kurdistanê li Iraqê: 1991-2018
Protestoyên kolanan û muxalefet li herêma Kurdistanê
Kêmanî, dewlet û milet: Li Îrana piştî şoreşê civaka kurd
Li Sûriyeyê pirsa kurdan: 1946-2019
Êzidiyên li Yekitiya Sovyetê
Li Kurdistanê dîn
Ji destpêka komarê heta îro li bakurê Kurdistanê dîn û siyaset
Di cîhana modern de kêmaniyên dînî yên “kurdan”
Elewiyên kurd: Şopdarên Rêya Heqiyê
Eşîr û rolên wan ên ku di nav siyaset û civaka kurd de guherîne
Dîroka zimanê kurdî û pêşketina edebiyata kurdî
Kurdiya navendî dîrokçe û geşedana Edebî Cafer Şêxûlîslamî
Zaravayê kurdî yê kirmanckî û kêşeyên rasthatî
Ji helbestvanên gerok heta romannivîsên bêdewlet: Destpêkeke kurt ji bo dîroka edebiyata kurdî
Dîrokeke helbesta kurdî
Dîrokeke şanoya kurdî
Sînematografyayeke kurdbûnê: Zanav, pîşesazî û berxwedan
Hunera kurdan û hilberandina çandî: Kirdeyên kurd ên nû
Di sedsala 20’î û 21’ê de bizavên kurdan û xwediyarkirin
Berxwedan di nav berxwedanê de: Dîroka Bizava Rizgariya Jinan a Kurdistanê
Dîasporaya kurd: Civakeke Xeyalî ya serneteweyî
