Li navçeyên Stenbolê vê sibehê polîsan bi ser gelek malan de girt. Di serdegirtina malan de herî kêm 9 kes hatin binçavkirin. Hat zanîn ku dibe hejmara binçavkiriyan zêde bibe û sedemê binçavkirinê nehat zanîn. Binçavkirî li Midûriyeta Polîsan a Stenbolê ya li navçeya Fatîhê tên ragirtin. Her wiha hat diyarkirin ku malên operasyon lê hatine kirin, hatine serobinkirin. Parêzeran ragihand ku li ser dosyayê biryara nepêniyê heye û sedema binçavkirinê hîn nebûne.