Şaredariya Cizîrê li taxa Cûdî ya navçeya Cizîrê ya Şirnexê bi tevilbûna hevşaredarên Cizîrê Guler Tûnç û Abdûûrahîm Dûrmûş, endam û rêveberên DEM Partî û DBPê yên Şirnex û navçeyên wê, endamên saziyên demokratîk ên sivîl û gelek welatiyan Dikana Hevgirtinê ya Kezî vekir.

Beriya vekirinê Gerînendehiya Pokîtîkayên Jinê ya Şaredariya Cizîrê Nêrgiz Ant diyar kir ku zêdeyî salekê ye hevgirtinê di nava şaredariyê de pêk tînin û got: “Me di nava avahiya şaredariyê de ji bo welatiyên xîzan karê hevgirtinê dikir. Me biryar da ku em derkevin derveyî sînorên şaredariyê û di nava taxan de saziyên xwe yên hevgirtinê vekin.”

Hevşaredara Cizîrê Guler Tûnç jî da zanîn ku ji roja hatine ser kar heya niha bi zêdetirî 3 hezar welatiyan re ketine nava hevgirtinê û got: “Ev ne xebata me ya yekemîn e û wê ne ya dawiyê jî be. Heya niha me xwe gihandiye gelek malbatan. Bi vekirina Dikana Hevgurtinê ya Kezî em ê xebatên xwe berfirehtir bikin.”

Beşdaran piştî axaftinan diruşma, ‘Jin jiyan azadî’ berz kirin û Dikan Hevgirtinê ya Kezî vekirin.