Heyeta DEM Partiyê ya Îmraliyê têkildarî hevdîtina bi Rêberê Gelê Kurd Abdullah Ocalan re daxuyaniyek nivîskî weşand. Di daxuyaniyê de hat destnîşankirin ku hevdîtina di 2yê kanûnê pêk hatî de 4 seatan berdewam kiriye. Di daxuyaniyê de hat destnîşankirin ku Abdullah Ocalan encamên erênî yên hevdîtina bi Komîsyona TBMMyê re pêk hatiye nirxandiniye. Di daxuyaniyê de hat derbirîn ku Abdullah Ocalan bal kişandiye ser hewldan û gotinên demên dawî yên li dijî pêvajoyê pêş dikevin û ev wekî sabotajê nirxandiye.
Di daxuyaniyê de ev tişt hatin gotin: “Ev rewşek wekî mekanîzmaya darbe di tevahiya pêvajoyan de derdikeve holê ye. Ev ne xebatek klasîk a darbeyê ye. Mîna hemleyek li hemberî hewldanên pêvajoyê pêş bixin, derdikeve holê. Divê wekî hewldanên avakirina rewşek xeternak û talûke bên fêmkirin. Di roja me de ev derdor berdewamiya hêzên devreyî normê yên dewletê ne. Li aliyê din li hemberî kevneşopiya mina terzek çand, siyaset, rêxistinbûna nepenî û aşkere ya wekî şêwazek darbeyê dixebite ku sed sala dawî ya Tirkiyeyê teşe kiriye, îradeyek siyasî û civakî jî derketiye holê û ev îrade bi hêz dibe.”
Di daxuyaniyê de hat diyarkirin ku Abdullah Ocalan bal kişandiye ser pêşketinên pêvajoyê û ev nirxandin kirine: “Mûdaxileyên derveyî demokrasiyê û tundiya siyasî dê bi derxistine qanûnek aştiyê ya li ser bingeha hiqûqa piralî ji rojeva Tirkiyeyê derkeve. Di vî alî de daxuyaniya me ya 27ê Sibatê bernameyek rê nîşan dide ye. Tevahiya gavên bi vê armancê hatine avêtin, berpirsyariya me girtiye ser milê xwe nîşaneya armanca me ya jiyana hevpar e. Li Tirkiyeyê hemû derdorên siyasî û civakî yên dixwazin şansê rêvebirin û îktîdarê rast bikar bînin divê bi helwestek durist nêzê pirsgirêkên siyasî bibin û bibin nîvekarê çareseriya demokratîk. Ev pêvajo tê wateya ku kurd bi rêya hiqûqê tevli komarê bibin û bi beşdariya herî berfireh a civakî komarek demokratîk bê avakirinê. Ez dixwazim bêjim ku em xwediyê îrade û biryarek xurt a pêşxistina pêvajoyê ne.”
