Li Girtîgeha Tîpa F a Bolûyê 6 girtiyên ku beriya niha 4 yan jî 8 caran tehliyeya wan hatibû taloqkirin, hatin berdan. Desteya Rêveberî û Çavdêriyê îro civînek li dar xist û biryara tehliyekirina 6 girtiyan stand û tehliyeya 2 girtiyan jî paş xist.
Li gorî agahiyên hatine bidestxistin, Desteya Rêveberî û Çavdêriyê derheqê Nedîm Yilmaz ê ku tehliyeya wî 8 caran, Abdullah Çelîk ê tehliyeya wî 7 caran, Ataş Gobe yê ku tehliyeya wî 4 caran û Mûzaffer Akiş, Sabrî Kaya û Sînan Turkmen ên ku tehliyeya wan 5 caran hatiye taloqkirin de biryara tehliyekirinê standiye.
Desteyê tehliyeya Ahmet Abdî Îbrahîm ê ku tehliyeya wî 4 caran hatiye taloqkirin û ya Hîkmet Akbaş ê ku cara ewil e derdikeve desteyê paş xist.
