Psîkanalîst a Fransayî Elisabeth Roudinesco têkildarî ‘Banga Aştî û Civaka Demokratîk’ a Rêberê Gelê Kurd Abdullah Ocalan a 27ê sibatê nameyek ji Partiya Demokrasî û Wekheviyê ya Gelan (DEM Partî) re şand.

Nameya Elisabeth Roudinesco bi vî rengî ye: “Ez teqez piştgiriyê didim banga jiyana bi hev re û aştiyê ya navbera gelên kurd û tirk. Bi vî rengî li vê cîhana me ya tevlîhev demokrasiyeke rasteqîn dikare ava bibe. Ez bi kêfxweşiyeke mezin tev li piştevanên vê bangê dibim. Ev pêvajoya aştiyê ji bo tevahiya cîhanê, bi taybetî ji bo Ewropayê ji her demê bêhtir pêwîstî ye. Bêguman hêvî dikim ku gelek ramanger, entelektuel û siyasetmedarên din beşdarî me bibe. Di vê têkoşînê de ez tev li we dibim û serketinê dixwazim.”