Di 10ê Cotmeha 2023an de li 74 navendan ji aliyê dostên Kurdan ve pêngava “Ji Rêber Abdullah Ocalan re Azadî ji Kurdistanê re Statu” hatibû destpêkirin. Di demek kurt de ev pêngav li tevahiya cîhanê belav bû. Di çarçoveya vê pêngavê de bi milyonan îmze hatin komkirin û bi sedan civîn hatin lidarxistin. Pirtûkên Rêberê Gelê Kurd Abdullah Ocalan bi komî hatin xwendin. Meş û mîtîngên girseyî hatin lidarxistin. Piştî banga Rêberê Gelê Kurd Abdullah Ocalan a 27ê Sibatê ya Aştî û Civaka Demokratîk di 5ê Hezîrana 2025an de Forma Azadî û Aştiyê ya Ewropayê (EFFP) li ser asta navneteweyî kampanya “Ez dixwazim bi Rêberê Gelê Kurd Abdullah Ocalan re hevdîtinê bikim” dan desetpêkirin.
Înîsiyatîfa Azadiya Rêber Abdullah Ocalan a Sûriyeyê û Înîsiyatîfa Parêzeran a Sûriyeyê ya ji bo Parastina Rêber Abdullah Ocalan têkildarî kampanyaya “Ez dixwazim bi Ocalan re hevdîtinê bikim” ji bo çareseriya pirsgirêka Kurd di 20ê Tebaxê de strata kampanya îmzeyan da destpêkirin. Înîsiyatif dê bi beşdariya akademîsyen, siyasetmedar, parazvanên mafên mirovan, oldar û serokên eşîran, ji bo azadiya fîzîkî ya Rêberê Gelê Kurd Abdullah Ocalan îmzeyan kom bikin.
Têkildarî kampanyaya îmzeyan Hevserokê Înîsiyatîfa Parêzeran Ji bo Parastina Rêber Abdullah Ocalan, Mihemed Emîn Niêmî anî ziman ku ev çalakî şaxeke kampanya cîhanî ye û got: “Dema kampanya cîhanî dest pê kir, li tevahiya cîhanê belav bû. Em li Bakur û Rojhilatê Sûriyeyê her roj jibo azadiya Rêber Apo xebatan dikin. Me di 20ê Tebaxê de bi daxuyaniyekê starta komkirina îmzeyan da. Me Înîsiyatîfa Parêzeran Ji bo Parastina Rêber Abdullah Ocalan, Înîsiyatîfa Azadiya Rêber Abdullah Ocalan a Sûriyeyê bi hevre dest bi vê xebatê kir. Me ragihand ku em beşdarî vê pêngavê dibin. Em ê di nava 10 rojan de bi hejmareke guncav ku ji akademîsyen, çalakvanên mafên mirovan, siyasetmedar, rewşenbîr, serokên eşîr û qebîleyan, kesayetên olî îmzeyan kom bikin.”
Mihemed Emîn Niêmî anî ziman ku ew ê li tevahiya Sûriyê vê xebatê bimeşînin û got: “Her kes dixwaze tev li vê pêngavê bibe. Piştî em van îmzeyan kom bikin em ê pêşkêşî Sekreterê Neteweyên Yekbûyî (NY), Yekîtiya Ewropayê, Konseya Mafê Mirovan a NYê, Rêxistina Pêşîgirtina Îşkenceyê ya Ewropayê (CPT), Wezareta Edaletê ya Tirkiyeyê bikin.”
Mihemed Emîn Niêmî da zanîn ku ew dixwazin ku bi lezgîn bi Rêber Abdullah Ocalan re hevdîtinê bikin û wiha bi dawî kir: “Ji roja komployê heta niha li ser Rêber Abdullah Ocalan îşkence heye. Em ê bixwazin ku bi awayekî lezgînî em biçin bi Rêber Abdullah Ocalan re hevdîtinê bikin. Piştî hevdîtina 23ê Cotmeha 2024an û şûnde em fêr bûn ku Rêber Abdullah Ocalan dijî. Em dixwazin biçim cem Rêber Abdullah Ocalan û fikrên xwe pêre parve bikin.”
