Komîsyona Demokrasî, Xwişk-Biratî û Hevgirtina Mîllî ku di çerçoveya pêvajoya Aştî û Civaka Demokratîk de hatibû avakirin dê vê heftê civîna 6 û 7an pêk bîne. Civîna vê hefteyê dê roja çarşem û pençşemê pêk bê. Komîsyon dê di civîna 6emîn de li serokê Yekitiya Baroyên Tirkiyeyê û serokên baroyan guhdar bike. Di civîna 7an de jî dê li Serokên Meclîsê yên berê guhdar bike.
Navê kesên ku di komîsyonê de bên guhdarkirin diyar bûn. Kesên bêne guhdarkirin wiha ne: Civîna 6emîn a 27ê tebaxa 2025an dê saet di 14:00 de pêk were; serokê Yekîtiya Baroyên Tirkiyeyê û serokên baroyên hejmar 2 a Enqere, Çewlîg, Amed, Hatay, hejmar 2 a Stenbol, Meletî, Mêrdîn, Mersîn, Wan û Sêwas ben guhdar kirin.
Dê civîna 7emîn a 28ê tebaxê saet di 11:00 de pêk bê; nêrîn, pêşniyar û nirxandinên serokên berê yên Meclisa Mezin a Neteweyî ya Tirkiyeyê dê bên wergirtin. Di rûniştina yekem a civînê de; dê Hîkmet Çetin, Omer Îzgî, Bulent Arinç, Koksal Toptan, Mehmet Alî Şahin bên guhdarkirin.
Di rûniştina duyem de jî; Cemil Çiçek, Îsmet Yilmaz, Îsmail Kahraman, Binali Yildirim û Mustafa Şentop dê bên guhdar kirin.
