Li deşta Fîsê ya navçeya Lîceya Amedê di 15ê Tebaxê de agir bi daristanê ket. Duh nava rojê agir bi daristana deşta Fîsê ket, tevî hemû mudaxaleyan jî agir nehat vemirandin. Hat diyar kirin ku li gel 74 maşîneyan 226 personel hewl dan şewatê vemirînin.
Şaredariyê jî daxuyanî da û diyar kir ku ji ber qada daristanê herêma çiya ye, di vemirandina şewata daristanê de zahmetiyan dijîn. Di daxuyaniya şaredariyê de hat diyarkirin ku Hevşaredarên Bajarê Mezin ê Amedê Serra Bucak û Dogan Hatun, li herêma şewatê karê vemirandinê koordîne dikin. Dîsa hat diyarkirin ku Parlamenterê DEMê Serhat Eren hevserokên navçeyan jî li herêmê piştgiriyê didin xebata vemirandina şewatê.
Piştî daxuyaniyan hat diyar kirin ku şewata qada daristanê di saetên sibehê de hatiye vemirandin.
