Dîroka şarê kurdan de xoverdayîşê 14ê Temuze cayo teybet û cayo muhîm tepîşeno. Seba şarê kurdan ra roja 14ê Temmuze rojêka mûqades û pîroz a. Diroka şarê kurdan de xoverdayîşê zîndanê Amedî xosero yew şoreşî ya. Adiro ke zîndanê Amedî de ame tafîştayene verba heme jahrî ra, şarê kurdan rê bî derman. Kila zîndanê Amedî heme koyê kurdîstanî roşnî kerdî. Tanya Adirê Zîndanê Amedî koyî kerdî germ û xof kerd zereyê dişmenî.
Xoverdayîşê 14ê temuze verba îxanetî ra û teslîm girotîşî ra zincîra zulmanê hezar serran perçe perçe kerde.
Cûnta ya 12ê êlule bi teybetî zîndana Amedî xo rê zê herêma pîlotî weçînabî. Çike hema hema bi zafin ra heme pêşengê PKK zindanê Amedî de binê esaretî de bî. No sebep ra zî fikirîyayîşê dişmenî hem zaf sinsî bî hem zî zaf teres bî. Dişmenî xo bî xo vatêne, ‘kabeya kurdan zîndanê Amedî yo, eger ez nê kabeyê kurdan birişna, tar û mar bikera se, kurdî endî binê here de vinî benê, ma serê înan zî beton kenê. Endî kurdî zî emir bîla pê xo nêhesîyenê û esameyê kurdan zî nêmaneno.’
Zîndanê Amedî de şêrê û qehremananê şarê kurdan planê dişmenî weş fam kerd bî. Bi verên ra verba nê îxanetî ra şêrê Kurdan Mazlum Doganî xo canfeda kerd û mesajê xo pê hîrê gilê kibrîtî rey de da. Kileya hîrê gilan berz bî û “Şewa Çaran” de çar canfedeyan adir da verê canê xo. No adir zê hewayê virsoyî da mezgê dişmenî ra. 14ê Temuze de zî Memet Xeyrî Durmuş, Kemal Pîr, Akîf Yilmaz, û Alî Çîçekî rih û canê xo girewê veyşaneyî ya mergî de feda kerd û menîfestoya xoverdayîşê kurdan sernawera nusna.
Çerxê dîyaletîkê şorişê kurdan sernawera raşt bi
Tarixê tekoşîna kurdan de xoverdayîşê zîndanî û xoverdayîşê koyan têrey de pîya berz bî. Ewro zî bi mîlyonan ra rihê Xoverdayîşê 14ê Temuze ra quveta xo gêynê. Xoverodayîşê 14ê Temuze sernawera bîyayîşê şarê kurdano. Rihê 14ê Temuze bi merdiş ra sernawera cuyayîş virazîya. Ewro zî ma deyndarê nê rihê canfedayanê û cangorîyanê. Nê wesîleyê serrgêra vîrameyişê 14ê Temuze ra, şarê kurd ganî rihê şehîdan şad bikero. Pirosesê newîra wayîr vejîyo. Ewro zî rihê 14ê Temuze çar parçeyê Kurdistanî û çar hêlê dinya de xo nîşan dano.
Ewro ganî rihê xoverdayîşê 14ê Temuze vakûrê Kurdistanî de şarê kurd nê mîrasê muqadesî ra wayîr bivejîyo û xoverdayîşê xo berz bikero û tercîtê Îmralî bişikno û Rayber Apo azad bibo. Ganî rihê Zîlanan û rihê 14ê Temuze newera ganî bo. Şarê kurd ganî rihê 14ê Temuze biko wesîleya rêxistinbîyîşê prosesê Aştî û Komelê Demokratîkî.
