Amed de serkêşîya dezgehanê demokratîkan de Şîyar Be! Platformê Têkoşînê Vera Madayê Kungkerdişî ame ronayene. Verê ronayîşê platformî Parka Sûmerî ra heta Bircê Hewt Birayan bi tewrbîyayîşê Hemsereka Pêroyî ya Partîya Herêmanê Demokratîkan (DBP) Çîgdem Kiliçgun Uçare,  wekîl û hemşaredarê partîyanê sîyasîyan û dezgehanê demokratîkan rayraşîyayîşêk ame kerdene.

Erdîsipîyê ma ciwanan ra wayîr bivejîyê

Mele Ewdilayê Kino, Mehmet Sunmez û Abdullah Uner zî terba rayîrşîyayîşî bî. Mele Ewdilayê Kino seba nê pirosesî rojnameya ma rê wina qisey kerd: “Hewceyoke ma vera tiryakeşan, fihûş û sewbîna çîyan ra gedeyan û ciwananê xo perwerde bikerê. Wexto kê yew şitil fînenê ganî nê şitil derman bibo, wexto ke derman nêkerê û o şitil karmijin beno û fêkî nêgêyno. Qeybê ziwanê ma ra fêkî bigîrê rojê averîya made aramî, aştî rehetî gul û sosinî reyde welatê xora rewşa selametîy ra rayîr bigîrê.

Miletê ma bêçare nîyo

Mele Ewdilayê Kino wîna peynîya qiseyê xo ard: “Ganî rêxistinîya ma xurt bo û seydayê ma, erdîşsipîyê ma bêyrê pêser gedeyenê xo û ciwananê xo ra wayîr bivejîyê. Miletê ma, bêçare nîyo û ma eşkenê ke ciwananê xo na rewşa xirabî ra bixelisnê. Ez îtîya de veng dana û wa heme kes ciwanan ra wayîr bivejî yo û hewceyo ke, ciwanê ma perwerde bibê. Ciwanê ma nêkûyê minasebete û na belaye ra bixelîsîyê û rojê roşanî biveynê. Nê xebata têkoşîne zaf watedara û pîrozîya. Hetanê rojê azmeni roşneyî û şarê marê bibê selametî.”

Şero taybet polîkaya qirêjine gurêneno

Rayberê DEM Partîye yê Erxenî Mehmet Sunmezî zî dîyar kerd ke: “Ma ganî vera na politikaya dewlete bivindê û ver bigîrê. Ganî ma verê veran ra şarê xo ra hêzbigîrê û hêzbidê. Ganî ma bêçare nêbe. Verê verkan ciwanan ra kar biveynê, perwerde bikerê û cayê sahaya tedawî bibo. No warîr de vera tiryak û tiryakêşan verê veran kar kewno destê rîsipîyan zafî ra şaredarîyan.

Ganî ciwanî perwerde biveynê

Gedeyê mayê 9ê serre û 15 serreyî kewtî destê tiryakeşan. Ganî ma înan ra wayîr bivejîyê. Ez yew nimûne bida, verên ra birayê mi kewt destê tiryakeşan 12 serran de ma xoveroda û ama enpeynî de xelisna. Hêdî hêdî mi der û dora xo embazê xo bi qalanê vatişan û rindan ra xelisna. Verên ra ganî gedeyê ma pewerde bibê û bêkar nêmanê. Wexto ke, bêkar, bê pere mendî se, kewnê sew bîna rayîrê xiraban.

Mehmet Sunmezî wina qedêna: “Eke her kes domananê xo ra wayîr bivejîyo se, karê ma hîna asan beno. Bi taybetî der û dorê ma û keyeyanê ma de perwerdeyê mayan û pîyan zaf muhîm o.”

Ganî şarê Lice nameyê xo yê namdarî ra wayîr bivejîyê

Hemwelatij Abdullah Unerî zî no derheq de fikrê xo wina dîyar kerd: “Ez bi xo şarê Lice ya. Ez wazena ciwanê ma verê veran tiryakeşan ra û fihûşî ra dûrî bivinderê. No warî de heme kes ciwanan ra wayîr bivejîyo.

Ciwanî awerîya mayê

Ciwanî awerîya mayê û nê sebeb ra zî pergal wazeno ke, ciwanan destê mara bigîrê û bikerê destê xiraban. Ez verê veran venga şarê Liceyijan dana û wa her kes gedeyanê xo ra wayîr bivejîyo. Çimkî seba tiryakî nameyê Lice vejîya yo. Ganî şarê Liceyî zî nê nameyê qirêjî ra xo pak bikero. Tarîxê xoverdayîşê Lice zaf namdar o. Ez wazeno bi taybetî Liceyijê ma hîna vera Tiryakî ra zaf xover bidê.”