Necatî Aydin, serra 1992’î de rayverê SESî bi, sazkerdişê sendikaya SES’î de,  kede û xebata eyî ercîyaye bî. Eynî wexti de zî Serekê TUM Belsenî  û  rayverê Kedkaranê Weşî bi. Necatî  Aydin, warizayê  Vedat Aydinî bi. 4ê Nîsane 1994 de yeno binçimkerdiş û binçikerdiş ra dima eyî ra xebere nîna girotiş. Badî zî Aydinî binçimkerdiş de vinî kenê. Aydin 9ê Nîsane 1994 de Qezeya Ferqînî de rayîrê ser o, nizdîyê Qereqolê Leşkeranê Kagitlî de, meytê/cesedê eyî yeno dîyayîş. Necatî tera Kontra ra înfaz bibi.

No sebeb ra zî her serre, SES a Şaxa Amedî bi şexsê Necatî Aydin de heme şehîdê keda weşî yenê yadkerdiş. Emser zî Necatî Aydin û embazê eyî Şaxa SES î Amedî goristanê Necatî û embazanê eyî ziyaret kerdî û karanfîlî ronay û badî zî SESî Amedî de Embazanê eyî derheqê xebata Aydinî de qisey kerdî. Yew sînewzîyon reyra keda Necatî û embazanê eyî day naskerdiş.

Embazê eyî ke Beşdarê nê yadkerdişî bîyî û înan ra Vahdetîn Kiliçî û Fatma Yildize derheqê Necatî de rojnameyê ma rê qisey kerdî. Vahdet Kiliçî  vat ke; “Ma şexsê Necatî Aydinî  û embazanê eyî de, her serre, ma birîyar girot û ma her serre 4ê Nîsanî de, sergêra vîrameyişê eyî û embazanê eyî yad kenê. Ma derheqê xebata Necatî Aydinî de, her wext zerrîya ma de yo û ma eyî xo vîrî nêkenê. Ma  çiqas  vesfê eyî bidê zî, ancî zî taynî yo.

Necatî Aydın, her wext zerrîya ma de yo û ma eyî xo vîrî nêkenê.

Necatî, tewr demo zorîde, Şaxa Amedî saz kerde û bêters xebata kedkaranê weşî de ca girewt û bêraqa înan berz kerde.  Ma heme embazê Necatî; xebata eyî, têkoşîna eyî xorê se nimûne gênê. Embaz Necatî, her çiqas bi rewşa fîzîkî ma het de nêbo zî, ancî zî her wext rihê ma de yo û ma qet eyî xo vîrî nêkenê. Aktîvistê SES a Amedî Vahdetîn Kiliçî peynî de wina vat; “ Eyro Şaxa SES a Amedî eke se ameya na daraxe, bi sayeyê Necatî û embazanê eyî yo. Wa rihê eyî û embazanê eyî şad bo û ma heme wext zerrîya ma de yo.

Ma bi sayeyê înan ameyî na daraxe/sewîye

Fatma Yildiz, verê sekreterê SES a Şaxa Amedî bî, nika zî aktivîsta SES a Amedî ya. Fatma Yildiz vat ke; “Necatî Aydin 10ê Nîsane 1994 de qetil bi û ma her serre eyî û embazanê eyî yad kenê. Ma nika ra pey zî ma şexsê Embaz Necatî de, têkoşînê Ezîz Vural, Eyup, Şemsetîn Alpaslanî  berz kenê.

Surgun kerdê, kar ra eştî û la çi ra ma qetil kerdê

La cayê Necatî zaf cîyay o, ercîyaye yo, keda ey pîroz a. Ma têkoşînê înan ra şewq girot û roşnayî dîya. Serdestan ma karîra girotî û surgun kerdê,la  çi ra embazê ma bêsuc û bêseval qetil kerde? Embaz Necatî û embazî bînî, her wext rihê ma de yî û ma têkoşînê înan berz kenê. Fatma peynî de wina vat; “Eke ma eyro ameyî nê rewşa berze, sayedê şehîdanê ma ra yo û ma deyndarê înan ê.  Rihê Necatî û embazanê ey, hinzar ray şad bo. Rayîrê têkoşînê înan rayîrê ma yo.