Bi pêşengiya Meclisa Ciwanan a DEM Partiyê bi boneya 4ê Nîsanê rojbûna Rêberê Gelê Kurd Abdullah Ocalan di 1ê Nîsanê de bi dirûşma “Bi civaka demokratîk em ber bi azadiyê ve dimeşin” ji Amedê ber bi Amarayê ve dest bi meşê kirin.

Meşa ku ciwanan dabû destpêkirin di roja 3yemîn de berdewam dike. Ciwan niha gihiştine Pirsûsê û tê payîn ku seat der dora 4-5an bigihîşin Xelfetiyê. Gelê ku li Xelfetiyê kom bûye jî bênavber dirûşmên ‘Bîjî Serok Apo’ û ‘Rojbûna te Rojbûna me ye’ berz dikin.

Girseya ku ji bajarên cuda yên Kurdistan û Tirkiyeyê berê xwe dane Xalfetiyê bi coşeke mezin û di rengê festîvalê de li hev civiya ye. Şahiya ku ji serê sibehê de destpêkiriye dê heta derengê şevê bi muzîk û şahiyê dê berdewam bike.

Sibê ango di 4ê Nîsanê de jî girse dê bi pêşengiya jin û ciwanan seat di 1an de ji Xalfetiyê ber bi Amarayê ve dest bi meşê bike.