Ozgur Sevîm ê ku li Girtîgeha Ewlehiya Bilind a Kirşehîrê dimîne, di 1ê Nîsanê de bi rêya telefonê bi dêya xwe Behiye Sevîmê re axivî. Ozgur Sevîm binpêkirinên mafan ên li girtîgehê ragihandin. Sevîm diyar kir ku ji ber protestoyan der barê wan de lêpirsîn hatiye destpêkirin û di encama lêpirsînê de 4 meh cezayê hevdîtina malbatê û 20 meh jî cezayê qedexekirina hevdîtinê li wan hatiye birîn.

Behiye Sevîm ku8 di 1ê Nîsanê de bi telefonê bi kurê xwe re axivî, got: “Ji ber xwarina girtîgehê nebaş bûye, rêveberiyê protetso kirine. Ji ber vê 4 meh cezayê qedexekirina hevdîtina malbatê li wan hatiye birîn. Çawa ev ceza diqede, bêyî hevdîtin bê kirin vê carê jî 20 meh cezayê hevdîtinê tê birîn. Kurê min ragihand ku berî hevdîtina duyan dest pê bike, xwestine hevdîtinê bi malbatê re bikin, lê daxwaza wan nehatiye qebûlkirin.”

Behiye Sevîmê bilêv kir ku li gel vê axaftina bi tirkî li girtiyan tê ferzkirin û got: “Gava kurê min li min geriya, got girtîgeh dibêje di hevîtinê de bi tirkî biaxivin. Her wiha ji ber pirtûka Tarih Boyunca Kürtlerde Diplomasi ya Faîk Bûlût a ku me jê re şand, lêpirsîn hatiye destpêkirin û pirtûk nedane wî. Li girtîgehê gelek pirsgirêk hene. Xwarina wan nayê xwarin, ava wan nayê vexwarin. Kurê min dibêje mehê herî kêm 100 lîreyî dide heqê ava vexwarinê.”

Behiye Sevîmê ku “Banga Aştî û Civaka Demokratîk” a Rêberê Gelê Kurd Abdullah Ocalan bibîr xist, got: “Ji aliyekî ve dibêjin aştî, ji aliyê din ve jî polîtîkaya tecrîdê didomînin. Ev ne aştî ye, ev polîtîkaya xapandin û zilmê ye. Ez bang li hemû dayikan dikim, werin em dest bidin destê hev.”