5ê Çeleyî de Amed de bi beşdarîya heme sazgeh û dezgeyan reyde kombîyîşêko muhîm virazîya. Seba ke heme kesan zaf meraq kerdêne ke , Hemserêkê DEM Partî Tuncay Bakirhan kombîyayîşî çi vano? Hema qezayanê Amedî ra hemserekê partîyan û şarederîyan ameyî cayê kongre.
Destpêkê kombîyîşî de Hemserekê DEM Partî Tuncer Bakirhanî qisey kerd û Bakirhanî pêveynayîşî ser o qisey kerd û Bakirhanî vat “ Heyet hema tena çend rey ke şîyo Îmralî û nika zî niqaşî prosesê çareserî ser o yenê kerdiş û ard ziwan vat pêveynayîşê Ocalanî zaf muhîm ê, la îqtîdar her dem , her tim de politikaya xo ya sîyasetê qirêjin yê şerê taybete gurêneno.” La encax problemê kurdan muzakere demokrasi reyde çareser beno. Rayber Apo çi eşkerayî dano, la ma zî nêzanê û çîyo ke ma zanê Ocalanî 2015 çi vato û eynî çîyan vano. Temînatê nê porosesî ma nîyê şima ganî wayîr bivejîyê. Rayberê PKK’yî Ocalan deme nizdîyan de vengdayîşê muhîmî rê hedreyî keno. Eke nê porosesî de serkewtiş virazîyo, hem kurdî hem zî şarê tirkîya qezenc kenê.”
Ganî heme cayan ra vila bibo
Konferansî de welatij Memet Turhalli beşdar bibî, konferansî ser o Turhalli rojnameyê ma rê qisey kerd û Turhalî vat nê porosesê aştî ser o dewlete wazena ke wextê xo, nê demê tengî de ma biqefilno, la seba nê demê aşitî yê qefilnayîşî ra çî nêvejîyeno. Wextê ma yê aştî yew demê hîra yo. Tengîye heta yew ca beno. Turhalî ard ziwan:” nê porosesê aştî ganî heme ca ra vila bibo û heme kes daxîlê nê porosesî bo eke her kes daxîl nêbo, badî zî pisgirêkî vejîyenê.” Turhalî qiseyanê xo wina qedêna.” Her kes ganî destê xo bikero binê kerra û yew aîdetêya xo virazo.
Şar bawerîya AKPyî nêkeno
Hemserekê Partîya DEM Qezaya Amedî yê Gêlî Selhatîn Savci ke o zî beşdarê konferansî bibî, konferansî ser o qisey kerd. Savci va ke şar wazeno ke, nê zilm û zordarî biqedîyo û demê aştî û çareserî virazîyo. La şar hema zî bawerîya îqtîdarê AKP û MHPyî nêkeno.”
Savci wina qedêna: “Heta ewro hetê dewlete ra yew fikirê aştî û çareserî nêvejîyayo û ma zî nê fikirî şarî reyde bare bikerê. Bawerîya ma est a ke nê deme nizdîyan ra Brêz Ocalan peyamê aşitî eşkera bikero ma zî bi rewşa asanî ra şarê xo reyde bare bikerê. Ez seba nê kombîyîşî û porosesê aştî zaf kêfweş bîya û seba porosesê aştî 8ê Çileyî de raşteyê îstasîyonî de mitîngê ma est o û ma her kesî pawenê nê mitîngê xo yê porosesê aştî.”
