Nûçegihana JINNEWSê Oznûr Deger li Taxa Îpekê ya navçeya Qoserê ya Mêrdînê di serdegirtina malê de hat binçavkirin. Di saetên serê sibehê de polîsên tîmên taybet bi ser malê de girtin û deriyên malê şikandin û lêgerîn pêk anîn. Polîsan dest danîn ser amûrên teknîkî yên rojnameger Oznûr Deger. Pîştî lêgerîna malê polîsan Oznûr Deger binçavkirin û dema ji malê derxistin ew derbkirin. Her wiha polîsan destên wê ji pişt ve kelepçekirin û li wesayîta polîsan siwar kirin, birin Midûriyeta Emniyetê ya Mêrdîn.