Di çarçoveya nerazîbûnên dijî erêkirina cezayê darvekirinê yê Werîşe Mûradî û Pexşan Ezîzî 6 hizb û aliyên siyasî yên rojhilatê Kurdistanê biryar dan ku 22yê mehê li rojhilatê Kurdistanê greva giştî ragihînin. Komelgeha Jinên Azad ên Rojhilatê Kurdistanê (KJAR) bi daxuyaniyekê banga beşdarbûna greva giştî kir.
Daxuyaniya KJARê de wiha hat gotin: “Piştî erêkirina cezayê darvekirinê yê Pexşan Ezîzî û Werîşe Muradî, em bûn şahidê piştevaniyek berfireh a jinên têkoşer, hunermend, nivîskar, çalakvanên mafên mirovan, kampanya, medya dijîtal, dayikên aştiyê, malbatên şehîdên Şoreşa ‘Jin Jiyan Azadî’. Ev piştevanî ji bo hilweşandina cezayên darvekirinê û azadkirina girtiyên siyasî hatiye destpêkirin hîna berdewame. Pexşan Ezîzî û Werîşe Muradî 2 salên borî de bûne dengê şoreş û girtîgehan, herwiha ji bo daxwazên civakê û bi taybet jinan têkoşîn dane meşandin. Nameyên wan tijî hevokên ku hem êş û hem jî şîfayê îfade dikinin. Ji bo ku jiyana xwe watedartir bikin, niha bi cezayê darvekirinê re rû bi rû ne. Ji bo Werîşe Muradî û Pexşan Ezîzî hîn zêdetir hevbeşî û hev dengî pêwîst û giring e.
Pexşan û Werîşe dengê civakên bindestin û di heman demê de hişyarî û piştevaniya nasname û îradeya civakê bi taybetî jinan in. Her cure tundiya li beramberî Pexşan û Werîşe, li beramberî girtiyên din û di heman demê de li ser tevahiya civakê ye.
Duh bi daxuyaniyek hevbeş aliyên rojhilatê Kurdistanê ragihandin ku wê di 22yê çileya 2025an de greva giştî were lidarxistin. Di daxuyaniyê de greva giştî ya li rojhilatê Kurdistanê ji bo parastina jiyana Pexşan Ezîzî û Werîşe Muradî weke tedbîreke pêwîst û lezgîn hat binavkirin û bang li civaka herdem hişyar a rojhilatê Kurdistanê hat kirin ku di vê rojê de dest bi grevê bikin. ji aliyê Îranê ve. Ev xebat careke din helwesta zelal û şefaf a gelê me ya li hember siyasetên Îranê nîşan dide.
Em wek Komelgeha Jinên Azad ên Rojhilatê Kurdistanê (KJAR) piştgiriya vê daxuyaniya hevbeş dikin û bang li hemû ferdên civakê dikin di 22yê çileyê roja çarşemê de beşdarî greva giştî bibin. Herwiha bibin dengê Werîşe Muradî û Pexşan Ezîzî û bi dengek bilind dawî li siyaseta dijmirovahiyê bînin.”
