Serokkomar Tayyîp Erdogan, îzahatê xo yê prosesê neweyî yê bêname û nêdîyarî de, daîma binê qedîfeyî ra gulmika asinêne nawneno. Serra 2024î de, wexto ke prosesê aştî domnayêne; “Prosesê qedîfeyî de, planê rijnayîşî hedre kerdê.” Bi nameyê “Operasyonê Gulmika Asinênî” Sûr de, Cizîr û Nisêbîn de, bi hezaran kurdî qetil kerdê û hende zî birîndar kerdê. Wehşetî girdî kerdê, meyîtê maya Taybete hema zî çiman ver de yo.
Serehewenayîşê Dêrsimî de eynî qirkerdişî kerdê. Goya seba pêameyîşî venga Seyîd Rizayî danê û anê Erzîngan û xape reyde Seyît Rizayî gênê binê esaretî. Verê lajê Seyît Rizayî û dima zî Seyîd Rizayî bêhuqûqî darde kenê. Xora verê nameyê Tuncelî, Dêrsim bi, sey mîsal Gulmika Asinêne ra girewto û no name kerdo Tuncelî. Yanî no name kerdo “Tunç Elî”.
Osmanîyan de kayî zaf ê
Qesranê Osmanîyan de epey xapî ameyê kerdiş. Nê semedî ra fetwayî muhîmî ameyê dayîş. Seba beqaya Dewlete, qetilkarîya birayî vacîb dîya. Sey Selçûklûyan û Osmanîyan, Dewleta Tirkîya zî seba kurdan planê “Lepikê Qedifeyî” dekerd dewre. “Heyana ke pirdî ra vêrenê, kayê sîyasetê qirêjî dekenê dewre. Rijnayîşê Dewleta Osmanîyan ra pey, Ataturkî sozî ke daybê kurdan, nê sozê xo nêardê ca. Awanbîyayîşê Komare ra pey, “Gulmika asinêne” dekerde dewre.
Yanî nika zî “Lepikê Qedîfeyî û Gulmika Asênine” dewre de yo.
Yew het ra qiseyanê aştî kenê û hetê bînî ra zî Rojawanî de Awbendê Tişrînî de çimanê dinya ver de,bi Teyarayê şerî kurdanê sivîlan û rojnamegeran bi bombariman qetil kenê. Yewna het ra ambûlansî ke bîrîndaran benê nêweşxaneyan, nê ambûlansan zî bombardiman kenê. Çi heyf ke heme dinya bê vengûhes a. Kurdîstanê Vakurî de zî her roj operasyonê qirkerdişî dewam kenê û şaredarîyan rê qeyûman tayîn benê.
Hinê kurdî kurdê verênî nîyê. Hem gulmika qadîfeyine û hem zî gulmika asinêne weş vînenê, Nika zî kurdî hem gulmika lepikê qedîfeyinî û hem gulmika lepikê asinênî ra xelîsyenê û wayîrê yew statuyî ben