Li gorî agahiyên ku ji herêmê hatin girtin, li gundên herêma Geliyê Dirî ya navçeya Geverê ya Colemêrgê, êvara yekşemê operasyona leşkerî hat destpêkirin. Hat ragihandin ku operasyon li zozan û çêrgehên gundên Soryan, Bilindbasan û Birdikê tê meşandin.
Herwiha tê gotin ku li Zozanê Navşiyanê jî liv û tevgereke zêde heye. Li herêma ku operasyonê lê destpê kir, ji vê sibehê û pê ve liv û tevgera helîkopteran destpê kiriye.
Herwiha ji bejahî ve jî wesayitên zirxî hatine veguhestin. Artêşa Tirk ketina ji derve ya gundên li herêma operasyonê asteng dike.
Hate ragihandin ku li qadên Masîro û Dirîşke yên li bejahiya navçeya Elbak a Wanê jî liv û tevgera leşkerî heye.
