Şaredariya Rêya Armûşê di çarçoveya 25’ê Mijdarê de Navenda Jiyanê ya Jinan a Sixkê (Bostaniçî) vekir. Hevşaredarên Bajarên Mezin û navçeyan, Rêxistinên DEM Partiyê yên navçeyan û gelek jin beşdarî merasîma vekirinê bûn.
Hevseroka DEM Partiyê ya navçeya Rêya Armûşê Nûrhayat Polat di vekirinê de axivî û diyar kir ku ew weke DEM Partî vîna jinan ji xwe re esas digirin û got: “Partiya me bi felsefeya ‘Jin, jiyan, azadî’ dimeşe. Em Navenda Jiyanê ya Jinan diyarî hemû jinan dikin.”
Hevşaredara Bajarê Mezin a Wanê Neslîhan Şedal jî destnîşan kir ku polîtîkayên qirêj ên zîhniyeta mêr bi taybetî li hemberî jinan tê meşandin û banga berxwedana bi rêxistinî kir.
Merasîma vekirina navendê piştî gerandina govendê bi dawî bû.
