Konseya Bajêr a Amedê 29’emîn Civîna xwe ya Asayî li Çand Amedê ya li navçeya Bajarê Nû li dar xist. Hevşaredarên Bajarê Mezin ên Amedê Serra Bûcak û Dogan Hatûn, siyasetmedara kurd Gultan Kişanak, parlamenterên DEM Partiyê û gelek nûnerên rêxistinên sivîl ên civakî beşdar bûn. Dîvan hilbijartin û Serokê Baroya Amede Nahît Eren bû serokê dîwanê. Dîsa Seroka Komeleya Jinan a Rosayê Sûzan Îşbîlen û endamê Şaxa OHD’a Amedê Riza Polat bûn endamên dîwanê.
Serokê Baroya Amedê Nahît Eren ê di civînê de anî ziman ku bi qeyûman hişmendiya hevpar a bajêr ji holê rakin û dînamîkên bajêr ji biryaran dûr bixin. Eren, diyar kir ku bi tayînkirina qeyûman hilbijartina şaredarekî nû nayê armanckirin û wiha got: “Armanc ew e ku pêşiyê li dînamîkên vî bajarî bigirin ku bibin xwediyê gotinê. Gotin ku qey ev bi ser xistin lê ev bajêr we qet dest ji vê ferasetê bernede. Qeyûm a darbeyeke zelal a li demokrasiyê ye pêkanîneke li dijî mafê bijartin û hilbijartinê ye. Di serî de li Wanê xwe nîşan da lê li dijî vê pêkanîn bertekeke cidî derket holê. Darbeya ku hate xwestin bi destê hiqûqê bê danîn bi têkoşîna civakê re bi paş ve hate kişandin. Niha li Colemêrgê tê pêkanîn.”
Dû re sînevîzyoneke ku xebatên Konseya Bajêr di nav de cih digirt hate nîşandan. Hevşaredara Bajarê Mezin a Amedê Serra Bûcak a pişt re axivî, bal kişand ser ruhê piştevaniyê yê di pêvajoyên zor de li Amede tevî qeyûm pêk hat. Bucak, diyar kir ku ew ê li dijî hewldana şikandina têkiliyên di navbera civaka sivîl û rêveberiyên herêmî de bi hev re têbikoşin.
Hevşaredarê Bajarê Mezin ê Amedê Dogan Hatûn jî bi lêv kir ku 8 sal in ji aliyê qeyûm ve tê astengkirin ku saziyên li Amedê di nav rêveberiyê de cih bigirin û destnîşan kir ku divê bi hemû dînamîkên bajêr ve dest bi xebatan bikin. Hatûn îşaret kir ku dê bi dînamîkên bajêr ve pirsgirêk zûtir bên çareserkirin û got: “Em ê vî bajarî bi saziyên xwe û gelê xwe re bi rê ve bibin.”
Hevşaredara Bajarê Mezin a Amedê ya berê Gultan Kişanak jî diyar kir ku derveyî dînamîkên xwezayî yên bajêr ji derve mudaxileyî bajêr hate kirin û wiha domand: “Ez ne ji bo ku gotina ‘em li ku mabûn’ bêjim, ji bo bêjim ku ‘em li ku ne’ û ‘em ber bi ku ve diçin’ bibinim hatim. Ez ji bo dînamîkên vî bajarî yên li ber xwe didin bibînin û ji we re bibim hevrê hatim vê derê. Di bingeha vê axê de rêveberiya herêmî heye û em ev bingeh winda nekir. Ev bajêr îdiaya xwe ya xwe bi rê ve bibe û xwe bi pêş ve bibe diparêze. Li vî bajarî berpirsyariyeke mezin dikeve ser milê me ku em bi giraniya vê mîsyonê tevbigerin û pêwistiya wê bi cih bînin.”
Yek ji Hevşaredara Bajarê Mezin a Amedê ya berê Hulya Alokmen Ûyanik jî diyar kir ku Amed a her tim di bin zilmê de ye, ji aliyê xwişk û biratî û aştiyê helwesta xwe digire û anî ziman ku bajarê ku nasname û baweriyên cuda bi hev re lê dijîn serwer bêhişbûnê ferz dikin.
Pişt re serokatiya dîwanê ya konseya bajêr û endamên lijneya rêveberiyê hatin hilbijartin. Serra Bûcak û Dogan Hatûn ên ji bo hevserokatiyê hatin pêşniyarkirin bi dengdayînê weke hevserokên konseyê hatin hilbijartin. Piştî nîqaşa ku rexne û pêşniyar hatin kirin, 26 kesên ku nûnerên rêxistinên sivîl ên civakî û odeyên pîşeyî ne ji Lijneya Rêveberiya Konseyra Bajêr a Amedê hatin hilbijartin.
