6 partîyanê sîyasîyan provokasyonê serê HDPyî şermezar kerd û ard ziwan: “Derheqê polîso ke Ayşe Acar Başarane rê gef wendo de cade tehqîqat û dewa bêrê akerdene.”

6 partîyanê sîyasîyan derheqê provokasyonê vera HDPyî de eşkerayîyêka hempare daye. Partîya Kede (EMEP), Partîya Têgêrayîşê Kedkaran (EHP), Keyeyanê Şarî (Halkevleri), Federasyonê Meclîsanê Sosyalîstan (SMF), Partîya Karkeran a Tirkîya (TÎP) û Partîya Azadîya Komelkîye (TOP) bi sernameyê ‘HDP têna nîyo’ eşkerayîye daye. Eşkerayîye de ame vatene ke ê hetê HDPyî de yê.

Eşkerayîye de provokasyonê Îzmîrî ame vîrvistene û wina ame vatene: “Embaza ma Denîz Poyraze provokasyonêkê winasênî de amebî qirkerdene. La ma do na rey meverdê. HDPyo ke wayîrê rayanê bi mîlyonan têna nîyo. Haştî û wayûbiratîye têna nîyê. Ganî cade ablûqaya polîsan bêra wedaritene, kesê ke Ayşe Acar Başarane rê gefî wendî, derheqê ci de tehqîqat û dewa bêrê akerdene.”