Amed de çarçeweya tehqîqatê ‘fînansekerdişê rêxistine’ ke dîyabî destpêkerdene de 5 bajar û qezayan de sereştişê keyeyan virazîya. Zafaneyê kesê ke ameyî destbendkerdene dewijê pabesteyê qezayê Licê, Hezro û Karazî yî.
Çarçeweya tehqîqatê ‘fînansekerdişê rêxistine’ ke dîyabî destpêkerdene de derheqê 105 kesan de qerarê tepiştişî dîya. Badê qerarî Amed, Stenbol, Adana, Aydin û Anqara de polîs û leşkeran eşt 100 ra zêdêr keyeyan ser.
Licê, Hezro û Karaz de xeylê destbendkerdişî
Sereştişê Amedî Licê, Hezro û Karaz de qewimîyayî. Leşkeran taxa Helhelî ya Hazroyî, taxa Nenyasî ya Licê de eşt keyeyan ser. Ame parekerdene ke sereştişan de keyeyî ameyî serûbinkerdene û ferdê keyeyan maruzê şîdetî mendî. Wird taxan de Hasil Tekin, Cevdet Tekin, Yahya Tekin, Onder Yildirim, Yusuf Yildirim, Mustafa Toprak, Metin Çakir, Nevzet Demirhan, Vedat Çakir, Sedat Çakir, Vedat Çakir, Metin Çakir û Şemsettin ameyî destbendkerdene.
Stenbol de sereştişê keyeyan
Stnbol de polîsan eşt keyeyanê endamanê Hêzê Şorişerîya Ciwanan û Xelisîyayîşê Cinîyan (Dev-Güç) û Partîya Şorişgerî ser de. Sereştişê Stenbolî de Hetkarê Serekê Pêroyî yê Partîya Şorişgerî Murat Pircan Yaratan, endama Koordinasyonê Merkezê ê Xelisîyayîşê Cinîyan Yeşim Tukel û Başak Yeşîlot, Beyza Çapar, Sedef Ozer, Bekîr Açar, Omer Şengul, Ozgur Sazlik, Çagla Denîz Gunduz, Hasan Taş, Mazlum Oruç, Umut Doğgan, Muhammed Şahîn Uca, Îbrahîm Zencîrî ameyî destbendkerdene.
Nêzanîyeno ke bi temamî çend kesî ameyê destbenkerdene. Selahîyetdaranê dewlete heta nika babete ser o eşkerayîye nêdaye.
