Vervatoxê Komîsyonê Ziwan, Kultur û Hunerî yê HDPyî Omer Ocalanî ard ziwan ke Vedat Turkalî heta peynîya emrê xo bî vengê bindest û xoverdayoxan.

Vervatoxê Komîsyonê Ziwan, Kultur û Hunerî yê HDPyî Omer Ocalanî ‘çinarê edebîyatî û merdimê aştîye’ Vedat Turkalî serrgêra 6. ya wefatê ci de bi eşkerayîyêke yad kerd.

Eşkerayîye de ame vatene ke Vedat Turkalî heta peynîya emrê xo hem pê vateyê xo hem zî pê tewirê xo bî vengê bindest û xoverdayoxan. Ocalanî vat: “O wextanê tewr çetinan de hetê kedkar, karker û kurdan de şî. Ey seba çareserîya demokratîke ya meseleyê kurdan têkoşîn kerd. O pê nê tewirê xo yê rûmetinî mezgê kurdan de bî wayîrê cayêkê taybetî. Ewro zî têkoşînê ey ê demokrasî, aştî, azadî û têdûştîye sey çimeyêkî dîyeno.”

Peynîya eşkerayîye de Vedat Turkalî bi rêzdarî û minetî ame yadkerdene.