Di çarçoveya lêpirsîneke ku ji aliyê Serdozgeriya Komarê ya Enqereyê ve hatibû destpêkirin de nûçegihanên Ajansa Mezopotamyayê û JINNEWS’ê di serdegirtina malan de hatin binçavkirin.
Nûçegihanê MA’yê Selman Guzelyuz li Peyasa Amedê û Hakan Yalçin jî li Wanê di serdegirtina malê de hatin binçavkirin. Di serdegirtinê de polîsan dest danîn ser kovarên Modernîteya Demokratîk û Jineolojiyê û bi sedan pirtûkan.
Amed
Li Amedê jî polîsan girtin ser mala nûçegihana JINNEWS’ê Habîbe Eren. Piştî lêgerîna li nav malê nûçegihanên JINNEWS’ê Habîbe Eren û Derya Ren hatin binçavkirin. Di çarçoveya heman lêpirsînê de nûçegihana JINNEWS’ê Oznur Deger jî li Qosera Mêrdînê hat binçavkirin.
Enqere
Li Enqereyê polîsan bi ser buroya Ajansa Mezopotamyayê de girt. Lêgerîna li buroyê didome. Di serdegirtina malan de nûçegihanên MA’yê yên Enqereyê Zemo Aggoz û Bêrîvan Altan hatin binçavkirin. Her wiha polîsan bi ser malên hin nûçegihanên din de jî girtin û lêgerîn berdewam dike.
Riha û Mêrdîn
Li Stenbolê jî polîsan avêt ser mala Midûra Karên Nivîsan a Ajansa Mezopotamyayê Dîren Yûrtsever. Polîsan li malê lêgerîn pêk anî û gelek pirtûk desteser kirin. Piştî lêgerîna li malê Yûrtsever binçav kirin û birin Midûriyeta Polîsan a Stenbolê.
