Dadgeriya Cezayên Giran a Enqereyê di ‘Doza Kobanê’ de ceza li Hevserokên berê yên HDP`ê Selahattîn Demirtaş, Fîgen Yuksekdag, siyasetmedar Ahmet Turk û siyasetmedarên din birîn. Gelek saziyên herêma Bakur û Rojhilatê Sûriyeyê bi daxuyaniyê cezaye li siyasetmedarên kurd hate birîn şermezar kirin. 33 partiyên li Bakur û Rojhilatê Sûriyeyê daxuyanî dan û bertekên xwe yên li dijî ceza anîn ziman. 33 partiyan di daxuyaniyê de diyar kirin ku pergala tirk piştgiriya terorê û DAIŞ`ê dike ku bi sed hezaran welatiyên dewletên herêmê kuştin û koçber kirin û ev îsbat dike ku ev pergal, van terorîstan bi rêxistin dike û fînanse dike.
33 partiyan di daxuyaniyê de bûyera revandina balyozê tirk ji bajarê Musilê yê Iraqê dema DAIŞ`ê kontrol kir bi bîr xist ku ev bûyer hevkariya Tirkiyeyê bi DAIŞ`ê re îsbat dike û çawa derbaskirina birîndarên DAIŞ`ê hêsan kiriye ji bo ku xwe li Tirkiyeyê derman bikin.
Partiyan di daxuyaniyê de bal kişandin ser binkeftina DAIŞ`ê bi destê Hêzên Sûriya Demokratîk (HSD) bi piştgiriya Koalîsyona Navneteweyî û wiha gotin: “Erdogan ji vê binkeftinê aciz bûye û ji ber wê, komeke siyasetmedarên kurd dadirzîne ruxmî ku rojekê çek ranekirine û tenê di aliyê siyasî û demokrasî de tê koşiyane. Rejîma tirk, komkujiyên siyasî li dijî siyasetmedarên kurd dike tenê ji ber ku piştgiriya çalakiyên li dijî DAIŞ`ê kirine.
Partiyan, destnîşan kirin ku dadgeha Tirkiyeyê bûye lîstok di destê Erdogan de û wiha lê zêde kirin: “Li dijî hevrikên xwe yên siyasî bi kar tîne û ji ber wê li dijî siyasetmedarên piştgiriya berxwedana Kobanê kirine, cezayên girtinê birîn. Em van cezayan bi tundî şermezar dikin. Bang li saziyên NY, YE û Koalîsyona Navneteweyî ya li dijî terorê dikin ku destwerdanê bikin û mîna van şanoyên tirane rawestînin. Em bang li raya giştî, parlamenter û azadîxwazên li cîhanê dikin ku piştgiriya wan bikin û dengê xwe li pêşiya rejîma faşîst a Erdogan bilind bikin. Her wiha em bang dikin ku ji pirsgirêka kurd a li Tirkiyeyê re çareseriyeke adil û demokratîk bê dîtin. Em piştgiriya siyasetmedaran dikin ku rejîma Tirk cezayên neadil li wan biriye.”
Partiyên daxuyanî dane ev in:
Partiya Yekitiya Demokratîk (PYD)
Partiya Kesik a Demokratîk
Partiya Aştiya Demokratîk a Kurdistanê
Partiya Lîberal a Kurdistanê
Partiya Komkunîst a Kurdistanê
Partî ya Demokrat a Kurdistanê li Sûriyeyê
Partiya Demokrat a Kurd li Sûriyeyê
Partiya Çepgir a Kurd li Sûriyeyê
Partiya Çepgir a Demokrat a Kurd li Sûriyeyê
Partiya Sûriye Pêşerojê
Partiya Guhertina Demokratîk a Kurdistanê
Tevgera Nûkirin a Kurdistanê
Yekitiya Karkeran a Kurdistanê
Desteya Nîştimanî ya Sûriyeyê
Partiya Nûjen û Demokratîk a Sûriyeyê
Partiya Wîfaq a Demokratîk a Kurd li Sûriyeyê
Partiya Reform a Sûriyeyê
Partiya Asûr a Demokratîk
Partiya Biratî ya Kurdistanê
Partiya Roj a Demokratîk a Kurd li Sûriyeyê
Tevgera Civaka Demokratîk (TEV-DEM)
Kongra Star
Partiya Muhafizkeran
Partiya Têkoşîna Demokratîk
Şepêla Siberojê ya Kurdistanê
Partiya Demokratîk a Kurdistanê -Rojavayê Kurdistanê
Desteya Tensîq El Wataniye-Tevgera Guhertina Demokratîk
Partiya Yekitiya Suryan
Partiya Kombûna Nîştimanî ya Kurdistanê
Partiya Demokratîk a Kurd li Sûriyeyê (Partî)
Partiya Yekitiya Demokratîk a Kurd li Sûriyeyê (Yekitî)
Şepêla Çepgir a Şoreşger li Sûriyeyê
Partiya Suryana
Çavkanî: ANHA
