Navenda Çavdêriya Mafên Mirovan a Sûriyeyê (SOHR) ragihand ku çeteyên DAIŞʹê li herêma Meydan Şemalî ya gundewarên rojhilatê Humisê êrişî komeke ciwanan kir ku dobelan berhev dikirin. Di encamê de 3 kes hatin qetilkirin.
Di demên dawîn de êrişên wiha yên çeteyên DAIŞʹê zêde bûne. Li gorî daneyên SOHR’ê, ji destpêka 2023ʹyan ve li bejahiya Sûriyeyê 249 kes hatine kuştin, jê 11 çeteyên DAIŞʹê ne ku di êrişên hikumeta Şamê û yên Rûsyayê de hatin kuştin, 123 endamên hikumeta Şamê û komên girêdayî wê ne û 115 jî sivîl in.
