Hêrişê kîmyewî yê dewleta tirke û tedayê Almanya yê vera kurdan Saarbrucken de ameyî şermezarkerdene.
Şaristanê Saarbruckenî yê Almanya de perey polîsanê almanan eşt keyeyan û komelanê kurdan ser.
Vengdayîşê Merkezê Komelê Demokratîkî, Antifa, Partîya Komunîste ya Almanya (DKP), Linksjugend û Antifaschistisches Schülerinnen- und Schüler-Kollektiv ser o verê Merkezê Komelê Kurdan de çalakîkerî ameyî pêser. Girseyî dima çalakîyêka rayraşîyayîşî kerde.
Çalakîye de hêrişê kîmyewî yê dewleta tirke û tedayê Almanya yê vera kurdan ameyî şermezarkerdene. Çalakîye de sloganê sey “Bijî berxwedana gerîla” ameyî vatene, vilawekî ameyî vilakerdene.
Dima girseyî mîtîngêk kerd û eşkerayîye daye. Eşkerayîye de dîya zanayene ke Merkezê Komelê Kurdan ê Saarlandî 1978 ra nata xebatanê xo keno la Almanya seba weşkerdişê zerrîya Tirkîya eşto komele ser.
Dezgehanê Almanya zî paştî daye şarê kurdî.
