Di meha tebaxa 2016’an de polîsan avêtibûn ser avahiya rojnameya Ozgur Gundemê ya bi Biryarnameya di Hukmê Qanûnê de (KHK) hatibû girtin. Bi îdiaya ku 22 rojnameger ‘li dijî polîsan derketine 5 salbû dihatin darizandin. Danişîna biryarê ya doza rojnamegeran li 5’emîn Dadgeha Cezayê Asliyê ya Çaglayana Stenbolê hat dîtin. Rojnameger beşdarî danişînê nebûn û parêzerên wan Ozcan Kiliç, Cemal Polat, Sercan Korkmaz û Oya Oznûr di danişînê de amade bûn.
Parêzeran di danişînê de parastina miwekîlên xwe kirin û xwestin werin beraetkirin. Dadgehê daxwaza parêzeran nirxand û bi hinceta ku delîlên rojnameger werin cezakirin têrê nakin û rojnamegeran sûc nekiriye, biryara beraetê da. Her wiha dadgehê biryar da ku materyalên dîjîtal ên rojnamegeran ku 5 sal in hatine desteserkirin li wan werin zivirandin.
