Çalakiya nobetê ya xelkê Bakur û Rojhilatê Sûriyeyê bi daxwaza parastina bendavê û sekinandina êrîşên li Bendava Tişrînê daye destpêkirin didome. Tevî êrîşan jî çalakî di roja 22emîn de didome.

Welatiyên ji bajarên cuda hatin Bendava Tişrînê, ji bo êrîş bisekinin çalakiya xwe didomînin. Çalakvanan gotin: “Em ê bendavê biparêzin. Em ji dagirkerên tirk, çeteyên wê û balafirên wan natirsin. Heta ku êrîş disekinin em ê çalakiya xwe bidomînin. Em bi hêzên xwe yên leşkerî re ne û li vir in. Em ê bendavê neterikînin.”