Girtiyên siyasî di 20’ê cotmeha 2000’î de li hemberî girtîgehên tîpên F’yê dest bi greva birçîbûnê kirin. Greva birçîbûnê di roja 45’emîn de veguhest rojiya mirinê. Hikûmeta wê demê piştî mezinbûna çalakiyê di 19’ê kanûnê de dest bi operasyona bi navê ‘Vegera Jiyanê’ kir.
Ev operasyona ku li 20 girtîgehan hat destpêkirin 3 roj berdewam kir. Di operasyonê de leşker bi çekan ketin qawişan û gazên kîmyewî hatin bikaranîn. 30 girtî û 2 jî leşker bi tevahî 32 kesan jiyana xwe ji dest dan. Her çi qas wê demê rayedarên dewletê gotibin leşker bi çekên girtiyan hatine kuştin jî di otopsiya girtî û leşkeran de derket holê ku kesên ku mirine bi çekên leşkeran hatine kuştin.
Piştî operasyonê bi dehan girtî seqet man û derbarê 154 girtiyan de doz hat vekirin. Lê tevî hemû raporên ku hatin parvekirin jî di derheqê leşkerên ku tev li operasyonê bûbûn de ceza nehat dayîn. Doza li ser operasyonê hatibû vekirin tevî hemû delîlên şênber jî di sala 2008’an de ji ber dem borînê hat girtin.
Di opersyona wê demê de hikûmet koalîsyona ANAP-MHP-DSP bû. Serokwezirê wê demê Bulent Ecevît ji bo vê operasyonê digot ‘Me bi vê operasyonê terorîstan ji terora nav xwe xilas kir’. Piştî lêkolînên ku li ser operasyonê hatin kirin derket holê ku ev operasyon bi plankirî pêk hatiye.
4 sal piştî operasyonê ku AKP bû hikûmet ‘Madalyaya Xizmetên Girîng ên Dewletê’ da mîmarê girtîgehên tîpa F’yê û Gerînendayê Giştî yê Girtîgeh û Cezayê yê dema operasyona ‘Vegera Jiyanê’ Alî Sûat Ertosûn.
Girtiyên siyasî di 20’ê cotmeha 2000’î de li hemberî girtîgehên tîpên F’yê dest bi greva birçîbûnê kirin. Greva birçîbûnê di roja 45’emîn de veguhest rojiya mirinê. Hikûmeta wê demê piştî mezinbûna çalakiyê di 19’ê kanûnê de dest bi operasyona bi navê ‘Vegera Jiyanê’ kir.
Ev operasyona ku li 20 girtîgehan hat destpêkirin 3 roj berdewam kir. Di operasyonê de leşker bi çekan ketin qawişan û gazên kîmyewî hatin bikaranîn. 30 girtî û 2 jî leşker bi tevahî 32 kesan jiyana xwe ji dest dan. Her çi qas wê demê rayedarên dewletê gotibin leşker bi çekên girtiyan hatine kuştin jî di otopsiya girtî û leşkeran de derket holê ku kesên ku mirine bi çekên leşkeran hatine kuştin.
Piştî operasyonê bi dehan girtî seqet man û derbarê 154 girtiyan de doz hat vekirin. Lê tevî hemû raporên ku hatin parvekirin jî di derheqê leşkerên ku tev li operasyonê bûbûn de ceza nehat dayîn. Doza li ser operasyonê hatibû vekirin tevî hemû delîlên şênber jî di sala 2008’an de ji ber dem borînê hat girtin.
Di opersyona wê demê de hikûmet koalîsyona ANAP-MHP-DSP bû. Serokwezirê wê demê Bulent Ecevît ji bo vê operasyonê digot ‘Me bi vê operasyonê terorîstan ji terora nav xwe xilas kir’. piştî lêkolînên ku li ser operasyonê hatin kirin derket holê ku ev operasyon bi plankirî pêk hatiye.
4 sal piştî operasyonê ku AKP bû hikûmet ‘Madalyaya Xizmetên Girîng ên Dewletê’ da mîmarê girtîgehên tîpa F’yê û Gerînendayê Giştî yê Girtîgeh û Cezayê yê dema operasyona ‘Vegera Jiyanê’ Alî Sûat Ertosûn.
