Xoverdayîşê 15ê Tebaxe zerrîya rihê mezgê kurdan de rijnayîşê tersê qereqolan o û xo ra bawerkerdiş o. Xoverdayîşê 15ê Tebaxe hêvîya azadîya kurdan o. 15ê Tebaxe kilaya zîndanî û koyan a. 15ê Tebaxe qabê şarê kurdan ra ser newe ra bîyayîş a.
15ê Tebaxe guleyo verên a. 15ê Tebaxe rijnayîşê zulmê qereqolan û qaleyan a. 15ê Tebaxe yew mîlad a. 15ê Tebaxe roja camêrdîye ya destanê şarê kurdan a. 15ê Tebaxe qabê şarê kurdî roşano netewî ya. 15ê Tebaxe bi roja weşanê serrgêra rojnameyê Azadiya Welat a.

Zîndanê Amedî

12yê Êlule ra dime cûntaya faşîste heme çî herre û wele kerdbî. Adetê Tirkîya de û sewbîna herêman de pelê dare nêleqîyêne. Zîndanî bîbî hînê kampa nazîzmî. Teber ra yew şorişgerî nêeşkayêne ke yew embazê xono sinasî de xeber bido, qalî bikero û silam bido zî. Zîndanê Amedî bîbî hînê yew cehenem, bîbî yew kampa wehşetî. Dagirkeran heme çî, qabê zîndanê Amedî ser o pilanî viraştbî. Nê pilanê xo zî yew bi yew şixulnenê û gurênenê. Esil pilanê dagirkeran bi verên ra, zîndanê Amedî de îxanetê mîyanî bivirazo. Nê pilanê îxanetî dest pêkerd dewre.

Egîdê kurdan

Pilano dîyin zî teslîmgirotişê pêşengê PKKyî yan waştê ke qirkerdişê kurdan, îmhakerdişê kurdan, erdira betonkerdişê kurdan bîyarê ca. Şexsê kurdan de pêşengê PKKyî weçînîyabî, labelê zîndanê Amedî de nê hesabê înan nêtepişt.
Camêrdê kurdan, şêrê kurdan, Egîdê kurdan nê hesabê îxanetî û hesabê îmhaya kurdan rewna famkerdbî. Ewta de camêrd, şêr û Egîdê kurdan xoverdayîşê xo rey de destanê camêrdîye viraşt. Kilaya adirî berz kerde, na kilaya adirî şewqê xo da koyan. Kilaya zîndanê Amedî û ê koyan yew bî. Xoverdayîşê 15ê Tebaxe virazîya.

Rihê azadî û xoserî

Nameyê nê xoverdayîşê 15ê Tebaxe zî bî guleyo verên û bî mîladê kurdan. Bi mezgan de rijnayîşê qereqolan. Kurdî ser newe ra ganî bîyî. Rihê azadî û xoserî kewt mîyanê zerrîya rihê mezgê kurdan. Çerxê tekerê tarîxî tepa apey tadîya. Dîrokê kurdan ser newe ra ame nuştiş. Eger ewro dewaya têkoşeranê kurdan ameya ewta û resaya, ma deyndarê Egîtan, Mazluman, Kemalan, Xeyrîyan û Sarayan ê.

Rayber Ocalan

Emser zî serrgêra pîrozkerdişê 40. ya 15ê Tebaxe ya. Her kes ganî qabê serrgêra pîrozkerdişê 15ê Tebaxe ra beyraqa xoserîya demokratîke berz bikero. Rayberê xo ra wayîr bivejîyo. Azadîya Rayber Ocalanî, azadîya şarê kurdan a. Yewbîyayîşo netewî yê kurdan a û xelisîyayîşê şarê kurdî ya.
Dermanê jahrê îmha û înkarî ya û rihê xoverdayîşê 15ê Tebaxe ya. Ewro zî rihê 15ê Tebaxe verba faşîzm ra û îxanetî ra her roje destanê xoverdayîş û camêrdîye nuseno. Wa xoverdayîşê 15ê Tebaxe heme şarê ma ra pîroz bo, bimbarek bo.