15 baroyanê Kurdîstanî pê eşkerayîyêka hempare hêrişê nîjadperestî yê vera kurdan ê Afyon û Konya şermezar kerdî

Eşkerayîye de ame vatene ganî nê serebûtî sey serebûtê munferîdî nêrê ercnayene û nê hêrişî hêrişê nîjadperest û nefretî yê. Eşkerayîye wina ya: ”Nê hêrişan de kurdkî û kurdayetîye sey sebebî yenê mojnayene. Wextanê peyênan de nê hêrişî zêdîyayî. Polîtîkayê cîyakerî û ziwanê nefretî benê sebebê nê hêrişan. Ma nê hêrişan şermezar kenê. Eşkerayîyê ke kurdkî û kurdayetîye hedef kenê wa bêrê caverdayene û derheqê nê hêrişan de cade tehqîqatê aktîfî bêrê kerdene.”

Baroyanê Semsûr, Agirî, Çewlîg, Bedlîs, Êlih, Dêrsim, Amed, Colemêrg, Qers, Mêrdîn, Mûş, Sêrt, Riha, Şirnex û Wanî îmza eşte binê eşkerayîye.

12ê gulane de qezaya Meramî yê Konya de vera keyeyêkê kurdî hêriş amebi kerdene. 19ê temmuze de zî Afyon de karkerê kurdî semedo ke bi kurdkî qisey kerdêne maruzê hêrişî bîyî û 6 karkerî birîndar bîyî. Reyna 21ê temmuze de qezaya Meramî ya Konya de vera keyeyê amedijî hêriş amebi kerdene û hêriş de hemwelatîyê bi nameyê Hakîm Dala amebi qetilkerdene.