Iraq û Misir jî di nav de, Civaka Giştî ya Neteweyên Yekbûyî (NY) 14 welat bo endamtiya Konseya Mafên Mirovan hilbiartine. Welatên hatine hilbijartin dê di nava 3 salan an ku ji çileya 2026an de wekî endamê konseyê bixebitin.
Konseya Mafên Mirovan a navneteweyî ji 47 welatan pêk tê “berpirsê parastina mafên mirovan li hemû welatên cîhanê ye.”
14 welatên hatine hilbijartin ev in:
Di Koma Afrîkayê de, 4 welat ji bo çar kursiyan hatin hilbijartin: Angola (179 kursî), Misr (173 kursî), Mauritius (181) û Afrîkaya Başûr (178)
Welatên Asya-Pasîfîk (4 kursî): Hindistan (177), Iraq (175), Pakistan (178) û Vîetnam (180)
Welatên Amerîkaya Latîn û Karayîbê (du kursî): Şîlî (173) û Ekvador (171).
Welatên Ewropaya Rojava û welatên din (2 kursî): Îtalya (179) û Keyaniya Yekbûyî (161)
Welatên Ewropaya Navîn û Rojhilat (2 kursî): Estonya (171) û Slovenya (176).
Konseya Mafên Mirovan xwediyê rayeyan e ku di dirêjahiya salê de li ser hemû pirsgirêk û rewşên mafên mirovan ên ku hewceyê baldariya wê ne, nîqaş bike û civînên xwe li navenda Neteweyên Yekbûyî li Cinêvê li dar dixe.
Endamên Konseya Mafê Mirovan
Civaka Giştî ya Neteweyên Yekbûyî ku 193 welatan pêk tê, endamên Konseya Mafên Mirovan hildibijêre û “tevkariya welatên namzet di pêşvebirin û parastina mafên mirovan de, her wiha soz û pabendbûnên wan ên dilxwaz di vî warî de” di ber çavan re digire.
Endamtiya konseyê ya li ser bingeha dabeşkirina erdnîgarî û hejmara kurstiyan bi vî rengî ye:
Welatên Afrîkayê: 13 kursî
Welatên Asyayî: 13 kursî
Welatên Amerîkaya Latîn û Karayîbê: 8 kursî
Welatên Ewropaya Rojava û welatên din: 7 kursî
Welatên Ewropaya Rojhilat: 6 kursî
Endamên konseyê ji bo 3 salan xizmetê dikin û piştî 2 salan li pey hev ne mafdar in ku tavilê ji nû ve werin hilbijartin.
