Keyeyê Şenyaşarî roja 43. de nobeta edaletî rê dewam keno. Keyeyî medyaya dîjîtale ser o no vateyê Hz. Alî vila kerd: ”Eke zalim zulmê xo rê dewam keno bizane ke peynîya ci nêzdî ya. Eke mazlûm vera zulmî xo ver dano serfîrazîye nêzdî ya.”
Emîne Şenyaşara ke lajê ci û mêrdeyê ci hetê pawitoxanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde 43 rojî yo verê Edlîyeya Riha de nobeta edaletî gêna. Keye serê sibayî rew ame verê Edlîyeya Riha û pê dowîz û pankarta bi nuşteyê ‘Ma edalet wazenê’ dest pê nobete kerd.
Keyeyê Şenyaşarî ewro medyaya dîjîtale de no mesaj pare kerd: ”Hz. Alî şiwarê dadîyêka zerrîvêşaye senî weş ardê ziwan ‘Eke zalim bi israrî zulmê xo rê dewam keno bizane ke peynîya ci nêzdî ya. Eke mazlûm bi israrî vera zulmî xo ver dano serfîrazîye nêzdî ya.’ Vera bêedaletî roja 43. de xoverdayîşî rê dewam.” RIHA
