“…vanê, dare ke adir de vêsena, mircolike
dare canêverdana vanê, nêremena.
aye ebe dare vêsena, waxtê jû de,
vanê, dare rê vato mircolike:
‘mi xo de wedare… adirê xo de
wedare… wela xo de’ vanê…”
Surêdar / Mehmet Çetîn
Welat zerrîya mordemî de cayê henênî ceno ke, bi adirê welat ma kî vesenîme.
Waxto ke mi wast nê nusteyî binusna, Dêrsim, Helepce ameyî mi vîr.
Tayê çeyanê xo de, tayê kî zerreyê esketekan de bi gazan axû kerdî.
Serrî şî serran ser hona kurdan bi gazan axû kenê. Çitur ke Dêrsim serva Komara Tirkîya dirvet a, pêro kurdî ke serva înan kergana girana. Ronayena komare ra heta roja ewroyîne hona heqê kurdan nêameyî dayene, kamîye, zon û kulturê kurdan nêamo naskerdene.
Sêy Riza, lajê xo û hevalê xo meydanê genim yê Xarpêt de ameyî dardekerdene. Tarîxê ma de qetlîamê, terteleyê hîn giranî estê, zerreyê mordemî kenê lete. Wazon tenê tarixê nê qirxuno binuse hama mezgê mi sono gazê axûyî ser. Mordemê ke Dêrsim de zerreyê esketekan de bi gazan axû kerdî, yenê mi vîr. Xoseveknayene nêzanêne. Kam ci zaneno ke çitur weşîya xo kerde vîndî, çitur royê xo da.
No demo peyên çixaş terteleyî, çixaş qetlîamî bîyê tarîxê ma de la onca weşîye kerde, ciwîyayîme. Coka tarîx tenê kî roja ma ya ewroyîna. Hama jû raştîye esta, o kî endî qomê ma, şarê ma zê virên nîyo. Çixaş zilm kenê, zorvazîye kenê, dûstê naye de kî jû şaro qewetin esto. Ewro kî zê viren hem xoverdayoxî estê hem kî îxanetkarî estê.
Dek û dolabê hukmatî, îxanetkaran kî zê viren o. Hama çîyo ke nêwazenê fam bikerê wastena azadîye ya şarî ya. Dêrsim de tayê est xo ver, tayê kî bîyî kolê dewlete. Dêrsim de peynîya îxanetkaran çik bîye, ê yê ke ewro na raye de sonê, peynîya înan kî hênî bo.
Hama çîyo ke ewro nê tarîxî bivurno, taqata kurdan, xoverdayene û wastena azadîye de qerarîya. Hukumdarî wazenê na seserre de onca kurdî bi parê bimanê, axmê welatan û asîmîle bibê yan kî kok ra qir bibê. Şarê kurdî endî nêyeno xapnayene, ne kî zê kole binê destê hukumdaran de kamîyê xo ra dûr weşîyekerdene qebûl keno. Coka ke ewro welatê ma de adiro pîl veseno. Cengê serbestîye yeno dayene. No ceng cengo henêno ke bi gonîya cîwanan gule û sosinê welatê ma benê gewe. Bi gonîya cîwananê nê welatî herekîyayîşê tarîxî vurîno.
Ma kî ewro zê mircolike welatê xo teyna canêverdîme, barê xo ra nêremenîme. Eke beno wela bimbareke ya welatî ma ser bo. Bi vatena peyêne no ceng cengê ma wo…
No ceng cengê ma wo…
No ceng cengê ma wo…
“…vanê, dare ke adir de vêsena, mircolike
dare canêverdana vanê, nêremena.
aye ebe dare vêsena, waxtê jû de,
vanê, dare rê vato mircolike:
‘mi xo de wedare… adirê xo de
wedare… wela xo de’ vanê…”
Surêdar / Mehmet Çetîn
Welat zerrîya mordemî de cayê henênî ceno ke, bi adirê welat ma kî vesenîme.
Waxto ke mi wast nê nusteyî binusna, Dêrsim, Helepce ameyî mi vîr.
Tayê çeyanê xo de, tayê kî zerreyê esketekan de bi gazan axû kerdî.
Serrî şî serran ser hona kurdan bi gazan axû kenê. Çitur ke Dêrsim serva Komara Tirkîya dirvet a, pêro kurdî ke serva înan kergana girana. Ronayena komare ra heta roja ewroyîne hona heqê kurdan nêameyî dayene, kamîye, zon û kulturê kurdan nêamo naskerdene.
Sêy Riza, lajê xo û hevalê xo meydanê genim yê Xarpêt de ameyî dardekerdene. Tarîxê ma de qetlîamê, terteleyê hîn giranî estê, zerreyê mordemî kenê lete. Wazon tenê tarixê nê qirxuno binuse hama mezgê mi sono gazê axûyî ser. Mordemê ke Dêrsim de zerreyê esketekan de bi gazan axû kerdî, yenê mi vîr. Xoseveknayene nêzanêne. Kam ci zaneno ke çitur weşîya xo kerde vîndî, çitur royê xo da.
No demo peyên çixaş terteleyî, çixaş qetlîamî bîyê tarîxê ma de la onca weşîye kerde, ciwîyayîme. Coka tarîx tenê kî roja ma ya ewroyîna. Hama jû raştîye esta, o kî endî qomê ma, şarê ma zê virên nîyo. Çixaş zilm kenê, zorvazîye kenê, dûstê naye de kî jû şaro qewetin esto. Ewro kî zê viren hem xoverdayoxî estê hem kî îxanetkarî estê.
Dek û dolabê hukmatî, îxanetkaran kî zê viren o. Hama çîyo ke nêwazenê fam bikerê wastena azadîye ya şarî ya. Dêrsim de tayê est xo ver, tayê kî bîyî kolê dewlete. Dêrsim de peynîya îxanetkaran çik bîye, ê yê ke ewro na raye de sonê, peynîya înan kî hênî bo.
Hama çîyo ke ewro nê tarîxî bivurno, taqata kurdan, xoverdayene û wastena azadîye de qerarîya. Hukumdarî wazenê na seserre de onca kurdî bi parê bimanê, axmê welatan û asîmîle bibê yan kî kok ra qir bibê. Şarê kurdî endî nêyeno xapnayene, ne kî zê kole binê destê hukumdaran de kamîyê xo ra dûr weşîyekerdene qebûl keno. Coka ke ewro welatê ma de adiro pîl veseno. Cengê serbestîye yeno dayene. No ceng cengo henêno ke bi gonîya cîwanan gule û sosinê welatê ma benê gewe. Bi gonîya cîwananê nê welatî herekîyayîşê tarîxî vurîno.
Ma kî ewro zê mircolike welatê xo teyna canêverdîme, barê xo ra nêremenîme. Eke beno wela bimbareke ya welatî ma ser bo. Bi vatena peyêne no ceng cengê ma wo…