Hewldana ji bo Roboskî Edalet, di meha 115’emîn de têkildarî Komkujiya Roboskî ya 19 jê zarok 34 kes di êrîşa hewayî de hatibûn qetilkirin daxuyanî dan. Rêveberên HDP’ê û ÎHD’ê li Şaxa Komeleya Mafê Mirovan (ÎHD) a Enqereyê civîneke çapameniyê li dar xist. Hevseroka HDP’ê ya Enqereyê Pakîze Sînemîllîoglû, diyar kir ku 115 meh in, gundek, gelek, civakek û welatek bi hev re li edaletê digere û wiha got: “Ji şeva ku komkujî pêk hatiye heta niha hiqûq winda ye, edalet tune ye û herkes bêdeng e. Endamek ji komîsyona ku li meclisê hat avakirin derneket. Daraz jî kujeran bêceza dihêle.”
Sînemîllîoglî, da zanîn ku faîl nehatine darizandin û wiha dawî li axaftina xwe anî: “Demboriya tu komkujiyê tuneye. Heta ku Roboskî neyê ronîkirin û tiştên pêk hatine ji gel re neyên vegotin wê di siyaseta welat de sivîlbûn û demokratîkbûn pêk neyê. Roboskî azmûna dewlet û desthilatê ye. Li vê xakê rêya aştî û edaletê wê teqez ji Roboskî derbas bibe. Roboskî şerm, birîna bixwîn û lêgerîna edaletê ya vê xakê ye. Em dixwazin ku kujer bên dîtin û careke din Roboskî qet pêk neyên.”
Navenda Nûçeyan
